Skip to main content

"Granda ie la forza dla memoria che sta ti luesc." (da Cicero)

Mesc a pèr metù adum tla forma tipica dala doi frabiches dla cësa d'abitazion y dal tublà cun stala, 2006 dan la restruturazion dl tublà.

Mureda

Mesc a pèr te si forma uriginela cun bela fassada

L'abitazion ie na frabica gotica duta de mur dl 1462/64. Sun la fassada de sud-vest iel n afrësch de San Flurian, tl sud dla cësa passel via n vedl troi. L tublà daujin ie unì amplià do la Prima viera mundiela tl stil dl'ëuta dl secul y pona derturà dan n valgun ani. Mureda y la cësa ujina Muradëures, che ie sota defendura d'ensemble, fova l ncësa di scultëures Christian (1896-1968) y Eduard Moroder (1928-2010).

Categuria prinzipela:
Cultura dl frabiché
Sotcateguria:
Mejes (Luesc da paur)
Epoca:Medieve
Raion(s):Urtijëi
Coordinedes GPS:@11.66998,46.57664
"Paarhof" | Eduard Moroder | Christian Moroder | Defendura di ensembli | berstot | scultura

Ogec parënc

Cësa Plan de Mureda

Galaria de fotografies

Afrësch de San Flurian sun la fassada a sud-vest dl mesc a pèr Mureda
Scritura sun la fassada cun la dates 1572 y 1998 sota l contraspiz dla cësa d'abitazion Mureda

Galaria de videos

Video sun la mostra "Mejes de Gherdëina" cun na selezion de fotografies de mejes de Gherdëina che se à mo mantenì, fates dl 2018 y dl 2019 dal fotograf renumà de Praga Vàclav Sedy.