Resciesa
Mesc sun l ëur dl bosch de Resciesa
La cësa da paur ie na restruturazion dl 1836 dl mesc uriginel amplià cun na veranda de lën che va sëura doi partimënc. Basite ova l scultëur Vinzenz Moroder (1889-1980) si berstot. Chësta se à mantenì nchin a ncuei. De bera Zenz (Vinzenz Moroder) ie ënghe la stazions che mëina sala capela de Resciesa. La scultures urigineles ie tl Museum Gherdëina. L inuem dl mesc "Resciesa" ie bele unì numinà te n documënt dl 14ejim secul y uel dì "roa/sas cueciun" y ie n referimënt al porfir che vën dant te de gran cuantiteies ntëur l luech.
Categuria prinzipela:
Cultura dl frabiché
Sotcateguria:
Mejes (Luesc da paur)
Epoca:19ejim secul do G.C.
Raion(s):Urtijëi
Coordinedes GPS:@11.66903,46.57895
Galaria de fotografies
