Hotel Dolomiti Madonna
Prim Skiclub, prim Hockeyclub: na ustaria cun na storia (sportiva)
Ntëur l 1898 ova l moler Christian Delago cumprà na cësa japé dla Scola d’ert y nijià ite cun si fëna Josefina Schmalzl n café che i à pona amplià nchin tl ann 1906 tl “Dolomitenhotel Madonna”. Nce si berstot à Delago trapinà da Pedetliva tlo ca. Nsci pudovel ti pité ai ghesć – ora che 25 majons, n verzon y na veranda – nce n atelier da depënjer.
Tl 1908 ie te chësc hotel unì metù su l “Dolomitenalpenskiclub”, coche prim Skiclub dla valeda, y tl 1927 l Hockey-Club Gherdëina. Si cialé ora da ncuei ie l resultat de lëures de restruturazion y ampliamënt di ani 1950 y 1990.
Categuria prinzipela:
Sotcateguria:
Ustaries y albiercs storics
Epoca:19ejim secul do G.C.
Raion(s):Urtijëi
Coordinedes GPS:@11.67708,46.57208
Galaria de fotografies
