Dunfierta dl mantel de Marin de Tours

La scultura de San Martin cun l pëtler ie de pruvenienza dla berstot di scultëures Vinazer y dateda ntëur al 1750. La reprejentea la lijënda aldò de chëla che l sant à ancuntà n puere pëtler mez desnut che se dlaciova. Pervia che l sant ne ova auter che si ermes y l guant àl taià cun na speda si mantel da ufezier a mez ju y ti à sport la mesa pert al pëtler.