Skip to main content

"Granda ie la forza dla memoria che sta ti luesc." (da Cicero)

Dlieja de Sant'Anna sun curtina

La dlieja de Sant'Anna sun curtina ie unida frabicheda dl 1515 tl stil gotich dala cunfraternita de Sant'Anna. Tl 18ejim secul iela unida barochiseda y tl 1799 ti iel unì njuntà n ciampanil. Tl 1982 ie la dlieja unida dut ntëur dertureda. Sun la fassada dancà iel n afrësch baroch dla Madona dl aiut, l autere dl 18ejim secul ie de cumëmbri dla familia Vinazer y la tofla dl autere dl 1859 ie de Josef Anton Mahlknecht de Sureghes che laurova a Minca.