Chisc cristai de cabasit de strutura fina sun piera vulcanica vën dala luegia Planruf tl Strënt de Bula nia dalonc dal luech de Bula. Do chësc luech ie nce numinà l minerel puflerit, na varietà dl stilbit cun formes blances-ghieles y da gotes, dedora bela lizies y lucëntes y dedite da na strutura cristalina a raies.

Bele tl 13ejim secul fovel tlo na prima dlieja - chësc ie testemunià dal nujel romanich dl ciampanil. Tl 1555 an remplazà ch'sta dlieja cun na nueva che ie unida slungeda de viers dl vest y barochiseda. Dl medemo tëmp ie i la pitures de J. Jenewein te dlieja, su ciampanil y te curtina. Jenewein ie mort dl 1745 sa Bula ntan I lëures per la dlieja. La piza dl ciampanil ie unida metuda su tl 1855.